现在是中国春天立春节气已经过之三个礼拜哉，所以天气一颜一颜拉暖起来哉。
天气暖热之末，乡下老荒野里个景致要好看起来，树木要发出新个叶来，草末也报芽老碧绿，人个眼睛看出去末好来。
拉现在春天，乡下种田人要一日忙一日哉，起初末耕田，后来末散种老插秧，是望歇两日有好收成也。
讲到乡下个景致，拉此地近边虽然有草木个各样花老好看，然而终勿及山上有多多化化各样个花草，五颜六色蛮好看，有个是喷香个。
山上勿独是有多化花草个好看，而且还有一切菜蔬老果子，拉第个春天预备种拉等到天热个时候去避暑末，可以受用第个多化物事也。