黄浦水是浑老龌龊，勿好吃个。
倘然吃之末是要生瘟病个，所以顶好末吃沙沥水，或者用白矾打清拉个水，然而顶便当末吃自来水。
有一日，我拉河边头看见一样希奇个事体，是有一个娘娘垃拉河里净马桶，贴准拉伊个旁边有一个人倒拉淘米，想起来第个米烧之饭末一定有马桶气味个。
河里个水是龌龊个，因为有多化垃圾掼拉化，也有多化船上个龌龊倒拉化。